 |
Total Hits: 413091 |
|
| Past 7 days: 1741 hits |
ما مرتاح
January 12, 2007 on 2:08 pm | In Technology | No CommentsI heard this poem sometime back in high school in an interview with the Iraqi folk poet Arian il-Sayed Khalaf on Iraqi TV. For some reason, it stuck in my mind. The other day, I googled those parts I remembered, and found the entire poem. Here it is:
ما مرتاح
ما مرتاح .. ما مرتاح .. مامرتاح
عيوني تستحي بس الدموع إوكاح
ما مرتـــــــــاح
منك.. مني .. من الجاي من الراح
ما مرتــــــــاح
عركه وي الزمن ورجعنه مكسورين
وبعيده المسافه وينـّسي اللي طاح…
ما مرتـــــــــــــاح
لأن شفت الشمس نزلت تبوس الكاع
وبكف الطفل تنلاح
ولأن قاضي البلابل مدد التوقيف
ومفتوحه السما
والفيل عنده جناح
ما مرتـــــــــــــــاح
لأن قفل المحبه إنباك
وترهّم عليه مفتاح
ما مرتــاح
متروك بجزيره وتهت بالليل
وإجو ربعي عليه بقافلة أشباح
وإنته إشبيك ؟؟؟
لمن دافعت عن نفسي صابك غيض
مو حتى الكًنافذ من تحس بالخوف
تستخدم جلدها سلاح!!!
ولا جن الفجر مثل الفجر محبوب
لون الفجر صاير يقبض الأرواح
ما مرتـاح
من ربعي ولا مرتاح
تمساح إبنهرهم صاحو من الخوف
وجازفت بحياتي من سمعت إصياح
صارعت المنيه وبيده هزني الموت
ومدمى إطلعت
صفكو للتمســــــــاح!!!
كل هذا وتريد أرتاح
ما مرتـــــــــــــــاح
ما مرتاح من ربعي ولا مرتاح
نادوونـي.. وركضت إبليــل
إيد الرسن بيها وإيد بيها سلاح
عثرت مهرتي … وربعي قبل ما طيــح
واحد كًال للثاني
أبشـــــرك طـــــاح
أبشـــــرك طـــــاح
No Comments yet »
RSS feed for comments on this post. TrackBack URI
Leave a comment
You must be logged in to post a comment.
Powered by WordPress with Pool theme design by Borja Fernandez.
Entries and comments feeds.
Valid XHTML and CSS. ^Top^
Free website monitoring service